ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានជំរុញការបង្កើនទំនាក់ទំនងយោធាជាមួយនឹងបណ្ដាប្រទេសនានានៅក្នុងពិភពលោកដែលថាដើម្បីបង្កើតនូវមិត្តភាពនិងពង្រឹងសន្តិភាព។
សម្ដេចថ្លែងបែបនេះនៅក្នុងពិធីសម្ពោធឲ្យប្រើប្រាស់អាគារនៃសាកលវិទ្យាល័យការពារជាតិ បិទវគ្គសិក្សា២០២៣ និងបើកវគ្គសិក្សាឆ្នាំ២០២៤ ព្រឹកថ្ងៃសុក្រ ទី១៩ ខែមេសា ឆ្នាំ២០២៤នេះ។
សម្ដេចធិបតីបានលើកឡើងថាទំនាក់ទំនងយោធាគឺវាមានសារៈសំខាន់ណាស់ដោយវាជាអាវុធមុខ២ ដោយវាអាចបង្កើតសង្គ្រាមផង និងសន្តិភាពផង។
សម្ដេចថា ការពង្រឹងនូវទំនាក់ទំនងការទូតយោធាតាមរយៈការចូលរួមសមយុទ្ធយោធារួមគ្នាទាំងទ្វេភាគី ពហុភាគី និងការជំរុញស្វែងយល់ពីគ្នាទៅវិញទៅមក វាបង្កើតនូវមិត្តភាពនិងទំនាក់ទំនងល្អប្រសើររវាងកម្ពុជានិងប្រទេសផ្សេងៗទៀត៕
